تربية وتعليم الاطفال سؤال وجواب

تربية وتعليم الاطفال

الموضوع محدث باستمرار يحتوي على اكثر الاستفسارات في تربية وتعليم الاطفال التي تصلنا على مجموعة التعليم المرح مع الاجابة والروابط المناسبة

العمر 3 سنوات ماهي طريقة التأسيس

تعليم اطفال الروضة-عمر 3 سنوات لازم تاسسية كويس في المهارات الاساسية للاطفال واهمها

1- تنمية العضلات الدقيقة ليد الطفل استعدادا لمرحلة الكتابة  اللعب بالعجين بالصلصال  شك الخرز الكبير في خيط اللعب والكتابة على الرمل وغيره

وهضيفلك رابط للموضوع ده وكمان التدرب على رسم خط عمودى خط افقي خط مائل خط منحني ودي اسمها تمرينات بداية الكتابة

  وهضيفلك رابط لشيتات عشان تفهمي فكرتها وايضا توصيل النقاط اضغطي هنا لكتاب التدرب على الكتابة أضغطي هنا لنشاطات قبل الكتابة

2-تاسيس  في المهارات الازمة لبدايه القراءة زى مهارات دقة الملاحظه انه يعرف يطلع الاختلافات بين صورتين يقدر يطلع الشكل المختلف

يوصل الاشكال المتشابهه واي كتاب كويس لتاسيس الاطفال في المرحلة دي لازم يشتمل على تمرينات بداية القراءة

 

هضيفلك روابط لكتب تتطلعي عليها هتلاقي فيها جزء خاص بالتدريبات دي دي كتب منهج شامل للمهارات الاساسية مرحلة الحضانه

يمكنك الاطلاع عليها للتعرف على الكتاب المناسب انك تستخدمية في المرحلة دي كتاب المهارات الاساسية عمر 3 سنوات اضغطي هنا

انشطة منوعة لتنمية مهارات ما قبل القراءة 3- التدرب على اتباع التعليمات او تنفيذ اوامر متسلسلة ليفهم الطفل مفهوم الترتيب وممكن ايضا من خلال اللعب زي حرك السيارة خطوتين للامام ثم خطوة لليمين وهكذا

وكمان ممكن من خلال ترتيب القصص يعني يكون فيه صور ل 3 خطوات يرتبهم حسب ترتيبهم الصحيح هضيفلك رابط كتاب مناسب ممكن حتى تنفذي كروت ملونة بنفس الفكرة كتاب لتعليم التسلسل للاطفال

4- التدرب على امساك القلم بشكل جيد والرسم والكتابة الحرة بدون ارهاق عضلات يد الطفل يرسم او يوصل نقط ومش لازم رصاص

ممكن اقلام شمع او فلومستر ودة موضوع مفصل فية جميع المهارات الاساسية للاطفال في العمر دة ممكن تتطلعي عليه

هيفيدك ان شاء الله أضغطي هنا لو هتعلمي طفلك فترة الحضانه منزليا

ده موضوع فيه نقاط اساسية لازم تراعيها تعليم الطفل القراءة ام الكتابة ايهما اولا اضغطي هنا تعليم اطفال الروضة

روضة الاطفال

إيه النقاط اللي لازم اخدها بعين الاعتبار وانا بختار حضانة لابني؟
ولو مش هوديه حضانة، امتى اقدر ابدأ معه الحروف والارقام؟ (ابني عنده سنتين

سن ابنك مناسب جدا للبدء بتعليم الحروف وليس الغرض فالسن ده انه يحفظ الحروف ويرددها وانما الحروف ومحاولة نطقها

بتنمي عنده المهارات اللغوية بتساعده على الكلام بشكل جيد لانه بيتعلم مخارج الحروف وطريقة نطقها بتنمي ذكائة

لان اي نشاط في العمر ده تنمية مهارات للطفل وكمان لما يوصل لسن الحضانه هتلاقية اكثر قدرة على حفظ الاحرف بسهولة اكتر

علمية الحروف من خلال المكعبات الي عليها الاحرف او مكعبات عادية وانتي الزقي عليها ستيكر واكتبي عليه الاحرف الكروت الملونه المغلفة

الكتب المصورة المقواه المناسبة للعمر ده لان السن ده سن تمزيق الورق في كتب خاصة من الفلين  او الكارتون المغلف

او كتب قماشيةاو اطبعي كروت وقويها بلصقها على كرتون وغلفيها ده موضوع شامل المهارات الي ممكن تعلميها لطفلك من سن سنتين

أضغطي هنا وده موضوع شامل ازاي اختار حضانة طفلي اضغطي هنا وده موضوع عن التعلم المبكر للحروف أضغطي هنا    تعليم اطفال الروضة

لو فى قصص تعليم قراءة اللغة العربية بجمل بسيطة .. بحيث انة يحس بانجاز لما يخلص قصة بسهولة

ودة يشجعة كبداية انة يحب يقرا ….

وكذلك فى الانجليزى كنت حملت من عندكو كتاب رائع فية 25 قصة يتقصو ويتعملو قصص قصيرة تبع scholastic .

. حاولت ادور على قصص اخرى للتحميل لتعليم القراءة من نفس المصدر بس للاسف كلة غير مجانى ..

فلو تقدرو توفرو كتب من scholastic .. يبقى جزاكم الله خيرا

تعليم اطفال الروضة-نزلنا قصص بداية القراءة جمل بسيطة بالتشكيل هنكمل باقي المجموعه

ممكن تتابعينا على الموقع المخصص للقصص عربي وانجلش ستوري زون

القصة الاولى

قصة 2

 

 

قصة 5

أضغطي هنا ده رابط القصص بداية القراءة من سكولاستك على مكتبة التعليم المرح أضغطي هنا ده الموقع الاصلي للقصص  العربي بالتشكيل لو حبيتي تقرؤها اون لاين أضغطي هنا  ودي قصص انجليزية للقراءة مع الصوتيات مناسبة جدا لبداية القراءة وقريبا هنزل مجموعة اخرى أضغطي هنا  وهنعمل فهرس  مفصل بكتب سكولاستك لانها من اروع كتب الاطفال انتظرينا قريبا خلا الاسبوع ده ان شاء الله ننزل كتب اخرى  من سكولاتك   ودة موضوعات نزلناها خاصة بتنمية مهارات الاطفال في القصص أضغطي هنا الموضوع الاول اضغطي هنا الموضوع التاني ودي روابط قنوات قصص على اليوتيوب بالعربي والانجليزي لتنمية مهارات الاطفال في الاستماع والفهم أضغطي هنا

تعليم اطفال الروضة

دايما بيقولولي ابنك بطئ او ابنك رغاي جدا-تعليم اطفال الروضة

لو طفلك بطئ بصفة عامة اعملي للطفل انشطة تتطلب انجازها فوقت معين  عشان يتعلم تقدير عامل الوقت بشكل عام زي انشطة

انهاء رسمه معينة او ترتيب جزء من غرفته او انهاء بناء قلعة بالمكعبات او غيرة مع ربط النشاط برن المنبه بعد ظبطه على وقت مناسب

في البداية الطفل مش هيكون مقدر لمعنى الوقت لكن بعد فترة هيفهم ان الهدف ليس انجاز المهمه بس ولكن انجازها في وقت محدد

هيكون افضل لو في متسابق اخر قدامه زى اخ او اخت او احد الوالدين حددي ايضا طفلك بطئ في اي نشاط تحديديا يعني

ممكن طفل بطئ في القراءة بس او الكتابة بس أو الرسم بس أو تسميع حاجه حافظها بس ده معناه ان الطفل عندة صعوبة في المادة

دي تحديدا فلازم تتبعي الاستراتيجيات الخاصة بتنمية مهاراته في المادة دى بالتحديد وانتبهي ان السرعة ليس لها علاقة بالذكاء الطفل ممكن يكون ذكي جدا

وبطئ والعكس ولكن بصورة عامة تدرب الطفل على نشاط معين عدد مناسب من المرات يزيد سرعتة فية ركزي على المواد او المهارات الي هو بطئ فيها

ونميها بالطرق المناسبة   كمان قدمي له المساعدة عشان يتعلم يرك وينهي مهماته يعنى لو عندة سؤال مطلوب منه حلة 

ليس معنى مساعده الطفل انك السؤال بدالة ولكن اساليه اساله خاصه بيه تساعده على سرعه التفكير  ايجاد حل السؤال

مثلا مطلوب منه كتابه خمس حيونات غير اليفة الطفل البطئ هياخد  وقت طويل في كتابة الاجابة حفزية على سرعة الحل بالأساله

  تعرف يعني ايه غير اليفه اشرحلي تذكر الحيوان الي شاهدته في حديقة الحيونات وكان ياكل اللحم ما اسمة اكتبه فاكر اسم الحيوان في الكارتون

الي بتابعه وله زلومه ما اسمه أكتبه تعرف النمر هل يعيش  في المزرعة وممكن تربيته في المنزل جيد اذن اكتبه

وهكذا وامدحى سرعته وشجعية على التفكير والاجابة  والكتابة بدون تأخر اعملي مسابقات بين الاخوة للاسرع في احضار شئ معين او حل فزوره معينه

الطفل الرغاي

وهكذا طفلك بيكلم كتير دي مهارة جيدة ولكن احنا ممكن نستغلها ونظبطها الاستغلال انك  تخلية يسمع قصص كتير ويسردها او يسرد معلومات اتعلمها لأخواته

او اي حد من الاسرة ممكن تشركية في اذاعة المدرسة وتعلمية مهارات الالقاء والحوار ده شئ كويس ومهارة جيده امنحية وقت يومي مخصص للكلام معاه

اتركي له فرصة كافية يحكي عن يومه او اي موقف عايز يحكية او حتى  يتكلم عن لعبته المفضلة او كارتونه المفضل وتقومي  سلوكه

بانك تعرفية ايه الاوقات الي بيكون مش من المناسب اننا نكلم كتير او بيكون فيه ازعاج للاخرين وامتى اكلم بشكل مختصر

استخدمي عبارات زي انا مشغوله دلوقتي امنحني لحظات انا محتاجه للتركيز في امر ما  اشرحلي باختصار

ونكلم في وقت لاحق   دربيه على توضيح المفاهيم الي ممكن يسردها بشكل مفصل ازاى ممكن اوصلها للطرف الاخر بشكل مختصر لما يكون الوقت مش مناسب

او الطرف الاخر مشغول او محتاج للتركيز بعد انتهائك من عملك امنحي طفلك وقت ليتحدث فيما كان يريد اخبارك به

فليس الغرض هنا منع الطفل من التحدث وانما تعليم الطفل مهارات التحدث والاوقات المناسبة لذلك واحترام انشغال الاخرين

روضة الاطفال

طريقه اخليه يسمع كلامي من غير ما افرض عليه اقنعه بطريقه يفهمها لسن 3سنين
وياريت قصص حلوه ويفهمها وفيها مخزي
تعليم اطفال الروضة

 ان الطفل يكون مطيع مش لازم تتحول لمعركة بين الام والطفل لفرض السيطرة لطرف على الاخر

فاما الطفل يكون منصاع للاوامر بشكل كامل وبالتالي هو اكثر راحة للاهل ولكن الغاء لشخصية الطفل

واما الطفل ينفذ  ما يحلو  له  استغلالا لخوف الاهل من الزن ونوبات الغضب

فيتحول لطفل غير مقدر لاي مسؤولية  ومعتاد على تنفيذ رغباته

الامر بين الام والطفل مش لازم يتحول للشكل ده طبيعي ان الطفل في سن صغير منذ ولادته بيتعود على تلبية رغباته  من الام

لكن في سن معين بيكون الطفل مدرك بشكل كافي اننا نعودة على سلوكيات جيدة

وانه يكون مطيع ومؤدب دون فرض اوامر طول الوقت 1

– التساهل يعني ميبقاش الوضع طول اليوم اوامر لا نهائية  خلي للطفل مساحة كافية للتعبير عن نفسة وممارسه هواياته

ولعبة الحر عشان لما توجهيلة اوامر معينه  تبقى محددة  ويعتاد تنفيذها دون الشعور ان ده مقيد لحريته وتحكم فيه 2

– الحب مش لازم صراخ وضرب وتهديد لتنفيذ الاوامر ممكن اطلب من الطفل باسلوب جيد وابتسامة تنفيذ شئ معين من فضلك ياحبيبي جمع العابك في مكانها المناسب

وليس لو مجمعتش العابك حالا  هتتعاقب

3- الاثناء والمدح على الطفل يحسن العلاقة بين الام والطفل امدحي الصفات التي تريدين تحسينها في طفلك

انت مرتب بيعجبني اهتمامك بادواتك  انت شاطر جدا عشان خلصت طعامك وهكذا

الاختيار والشخصية

4- امنحي الطفل خيارات   حسب الموافق لظروفك شعور الطفل بحريته في الاختيار يجعله  متقبل اكثر لفكرة انه يسمع الكلام تاكل سلطة او فواكة تحل الماث الاول ام تدرس العلوم وهكذا

5- الاقناع الطفل في عمر 3 سنوات مدرك للعديد من الامور  الوامر لما توجه للطفل بصورة اقناع سوف يستجيب اكثر

لا تلعب بالمقص والا سوف تعاقب تعتبر بالنسبة للطفل في هذا العمر تحدي صارخ  هيحاول بكل الوسائل انه يكسر هذا الامر سواء امامك او بعيد عن نظرك

ولكن انت عارف ان اللعب بالمقص خطر بسبب كذا وكذا وسوف اشتري مقص مناسب للاطفال واعلمك كيف تستخدمة

وسيكون المكتب هو المكان المخصص فقط لاستخدامة ليس مسموح باللعب او الركض به لانه قد يؤذيك او يؤذى غيرك

وممكن سرد قصة تحمل نفس المعنى سيكون تقبل الطفل لتنفيذ الامر اكثر حين يقتنع 6- امنحي طفلك فترة كفاية لان يعتاد على امر معين

طفلك معتاد على رمي ملابسه على الارض نبهتية بالوسائل السابقه لترتيب ملابسة لا تتوقعي انه فورا سيتحول لطفل لايرمي ملابسه على الارض

هتحتاجي لتنبيهه بنفس الاساليب 5-6 مرات على فترات حتى  تصبح عاده لديه ترتيب ملا بسه ووضعها في مكانها فتحلي بالصبر

التربيه مجهود وصبر وشخصية الطفل

تتشكل  بالتدريج وليس هناك أزرار نضغط عليها ليتشكل الطفل في يوم وليله القصص فيه قصص تكوين شخصية الطفل وهنضيف قريبا مجموعات اخرى

أضغطي هنا لقصص تكوين الشخصية الجزء التاني -روضة الاطفال- خلال الاسبوع ان شاء الله اجابات خمس استفسارات اخرى بالتفصيل والروابط المناسبة للمصادر 

انظري هنا  بالأسفل  اضغطي على علامة الفيس بوك لاضافة سؤالك